२९ जना महिला हराएको उजुरी परेपछि ……

पाल्पा । एक महिनाको अवधिमा २९ जना महिला हराएको उजुरी पाल्पा प्रहरीमा परेको छ । पाल्पा जिल्लामा गत एक महिनामा २९ जना महिला हराएको उजुरी पाल्पा जिल्ला प्रहरी कार्यालयमा दर्ता भएको प्रहरीले जनाएको हो । ५ जना बालबालिका र एक जना जेष्ठ नागरिक हराएका छन् । ती मध्ये २५ जना महिला फेला परेका छन् भने अझै ५ जना बेपत्ता रहेको पाल्पा प्रहरीले जनाएको छ ।

जिल्ला प्रहरी कार्यालय पाल्पाले गत फागुन महिनाको कार्य विवरण सार्वजानिक गर्दै एक महिनाको अन्तरालमा २९ जना महिला हराएको उजुरी परेको प्रहरीले जनाएको छ । पाल्पा प्रहरीले फागुन महिनाभर २७ वटा घरेलु हिंसाका उजुरी समेत परेको जनाएको छ ।