- ६ असार २०८३, शनिबार / Jun 20, 2026
काठमाण्डौ । मुग्लिन–नारायणगढ सडक खण्ड खुलेको छ । गएराति दुई बजेदेखि बन्द भएको सडक बिहान मात्रै खुलेको हो । आइतबार दिनभर बन्द भएर बेलुकीदेखि खुले पनि तुइनखोला नजिकै पहिलेकै ठाउँमा फेरि पहिरो खसेर सडक अवरुद्ध भएको थियो।
दैनिक औसतमा १० हजार गाडी आउजाउ गर्ने यो सडक खण्डमा गएको बिहीवारदेखि पटक पटक पहिरो खस्दा सडक अवरुद्ध हुँदै आएको छ । सडकमाथिको पहाड पूरै खस्ने जोखिम रहेकाले यात्रा असुरक्षित रहेको छ । पहिरोसँगै खसेको ढुंगाले लागेर सडक छेउमा पल्टिएको ट्रक हटाएपछि बाटो खुलेको छ ।
अहिले दुईतर्फी नै सडक खुलाइएको छ । यो सडक खण्ड बिहीवारदेखि पटकपटक बन्द हुँदै र खुल्दै आएको छ । फेरि पनि पहिरोको जोखिम उच्च रहेकाले यात्रा गर्दा सावधानी अपनाउन कार्यालयको आग्रह छ ।
