यस वर्षको चन्द्र ग्रहण नेपालबाट नदेखिने

काठमाण्डौ । यस वर्षको चन्द्रग्रहण नेपालबाट नदेखिने नेपाल पञ्चाङ्ग निर्णायक समितिले जनाएको छ । यस वर्षको पहिलो चन्द्रग्रहण शुक्रबार लाग्ने भए पनि नेपालबाट नदेखिने भएको हो । पृथ्वीले सूर्यलाई परिक्रमा गर्ने क्रममा पृथ्वी सूर्य र चन्द्रमाको बीचमा आउँछ र चन्द्रमामा पृथ्वीको छाया पर्छ । यसैलाई नै चन्द्र ग्रहण भनिने खगोलविद्ले बताएका छन् ।

समितिका अनुसार चन्द्रग्रहणको छायाँ नेपालबाट नदेखिने भएकाले बार्न नपर्ने समितिले जनाएको छ । नेपाली आकाशमा चन्द्रोदय हुनुअघि नै मोक्ष हुने भएकाले सघन छायाँ अर्थात् पृथ्वीको छायाँको कालो भाग देख्न नसकिने, समितिले जनाएको छ ।