युद्ध शुरु भएपछि भवनहरू ध्वस्त पारेको आरोप, आफ्नो घर खोज्न फर्किए गाजावासी

एजेन्सी । गाजाका केही बासिन्दा आफ्नो घर फर्केका छन् । इजरायल र हमास बीचको अस्थायी युद्धविरामको क्रममा उनीहरु आफ्नो घर गाजा फर्किएका हुन । इजरायलविरूद्ध हमासले अक्टोबर ७ मा गरेको आक्रमणको बदलामा गाजामा इजरायली हमलापछि दुई पक्षहरूले गत हप्ता चार दिनका लागि युद्धविराम गरेका थिए ।

इजरायल–हमास द्वन्द्वमा प्यालेस्टिनीको मृत्यु हुनेको संख्या १५ हजार नाघेको प्यालेस्टिनले जनाएको छ । इजरायलले हमासको आक्रमणमा करिव १२ सय व्यक्तिको मृत्यु भएको र २ सयभन्दा बढी व्यक्तिलाई बन्धक बनाएको बताएको छ ।

गाजा पट्टीको दक्षिणमा रहेको अल–जाहरा छिमेकमा मानिसहरूले भग्नावशेषमुनिबाट केही सामानहरू संकलन गर्ने प्रयास गरिरहेका छन् । युद्धअघि आफूहरु सुरक्षित रूपमा बसेको भएपनि युद्ध शुरु भएपछि भवनहरू ध्वस्त पारेको उनीहरुको भनाइ छ ।