- ३१ असार २०८३, बुधबार / Jul 15, 2026
मकवानपुर । छात्रामाथि यौन दुर्व्यवहार गरेको आरोप लागेका दुई जना शिक्षकलाई प्रहरीले नियन्त्रणमा लिएको छ ।
बागमती गाउँपालिका–८, शान्तिपुरस्थित जनता माविका तीन जना शिक्षकमाथि यौन दुर्व्यवहारको आरोप लागेको थियो । नीहरूमध्ये दुई जनालाई नियन्त्रणमा लिएको जिल्ला प्रहरी कार्यालयले मकवानपुरले जनाएको छ ।
आरोपित शिक्षकद्वय लोकबहादुर र रुद्रबहादुरलाई जिल्ला प्रहरी कार्यालय, हेटौंडा लगिएको छ। अर्का हेमबहादुर भने २५ चैतमा आफै प्रहरीको सम्पर्कमा आएका थिए ।
तीनै जना शिक्षकमाथि अनुसन्धान भइरहेको मकवान प्रहरी प्रवक्ता टेकबहादुर कार्कीले बताए । शिक्षकहरूले दुर्व्यवहार गरेको भन्दै छात्राले प्रहरीमा उजुरी दिएका थिए ।
स्थानीय बासिन्दाले गाउँमै मिलाउन खोजेपछि उनीहरू गत २४ चैत राति उजुरी दिन जिल्ला प्रहरी कार्यालय पुगेको बताइएको छ ।
