- ३ बैशाख २०८३, बिहीबार / Apr 16, 2026
१९ बैशाख २०७७ कपिलवस्तु । कपिलवस्तुमा आफ्नै घरमा सुतिरहेका वडाध्यक्षमाथि गोली प्रहार भएको छ ।
यशोधरा गाँउपालिका– ८ का वडा अध्यक्ष सहाबुद्दिन मुसलमान माथि बिहीबार राति १ बजे गोली प्रहार भएको प्रहरीले जनाएको छ । खोरिया गाँउका वडा अध्यक्ष मुसलमान माथि चार राउण्ड गोली प्रहार भएको हो ।
दुई जना अज्ञात व्यक्तिले उनी माथि गोली हाने पनि उनलाई नलागेको प्रहरीले जनाएको छ। घटनामा संलग्न रहेको आशंकामा प्रहरीले एक व्यक्तिलाई नियन्त्रणमा लिई अनुसन्धान गरिरहेको जिल्ला प्रहरी कार्यालय कपिलवस्तुका प्रहरी नायब उपरीक्षक सुनिल मल्लले बताएका छन् ।
