विश्व नै वृहत युद्धमा फस्ने राष्ट्र संघका महासचिव गुटेरेसको चेतावनी

एजेन्सी । रुस–युक्रेन युद्ध थप चर्किए विश्व नै वृहत युद्धमा फस्ने संयुक्त राष्ट्र संघका महासचिव एन्टोनियो गुटेरेसले चेतावनी दिएका छन् । राष्ट्र संघीय महासभामा बोल्दै युक्रेनमाथिको हमलाले युक्रेनी जनता मात्रै नभई विश्वले नै ठूलो पीडा भोग्नु परिरहेको उनले बताएका हुन ।

पूर्वी युक्रेनको दोनेत्स्कका गभर्नरले आफ्नो क्षेत्रमा पछिल्लो समय युद्ध चर्किने सम्भावना देखिएको समेत बताइरहेका छन् । रुसले आफ्नो सेनालाई थप वृहत रुपमा संगठित गरिरहेको उनले जानकारी गरेका छन् ।

अहिले पनि युद्ध रोकिने संकेत नदेखिएको उनले जानकारी गराए । अब विश्वले आँखा खोलेर हेर्नुपर्ने बेला आएको भन्दै उनले कतिन्जेल टुलुटुलु रक्तपात हेर्ने भन्दै प्रश्न समेत गरे ।