सप्तरी दुर्घटनामा एक जनाको मृत्यु

काठमाडौं । सप्तरीमा सवारी दुर्घटनामा एक जनाको मृत्यु भएको छ । प्रदेश १—०२—४४ प ६१० नम्बरको मोटरसाइकल सडकमा बसिरहेको चौपायासँग ठोक्किएर अनियन्त्रित भई विपरित दिशाबाट आउँदै गरेको ना ७ ख २५२२ नम्बरको टिपरमा ठोक्किदा सप्तरीको कञ्चनरुप नगरपालिका–२ बरमझिया चोकमा एक जनाको मृत्यु भएको हो । मृत्यु हुनेमा मोटरसाइकल चालक मोरङको विराटनगरका ५० वर्षीय युवराज खतिवडाको उपचारका क्रममा मृत्यु भएको प्रहरीले जनाएको छ ।

टिपर सहित चालकलाई इलाका प्रहरी कार्यालय कञ्चनपुरले नियन्त्रणमा लिनुका साथै दुर्घटनामा घाइते भएका मोटरसाइकलमा पछाडी सवार मोरङकै विराटनगर उपमहानगरपालिका–१५ का ४७ वर्षीय गौतम महतोको उपचार भइरहेको छ ।