- १७ असार २०८३, बुधबार / Jul 1, 2026
सुर्खेत । नेपाल कम्युनिष्ट पार्टी (नेकपा)का अध्यक्ष माधवकुमार नेपालले सुर्खेतको सभालाई सम्बोधन गर्दै प्रधानमन्त्री केपी शर्मा ओली कम्युनिष्ट नभएको दावी गरेका छन् । ओली सुध्रिएर गएनन् भने पुर्पुरोमा हात राख्नुपर्ने बताए ।
वीरेन्द्रनगरमा बिहीबार नेता नेपालले ओलीले पार्टीका नेतामाथि बदलाको भावना राखेर मुलुकलाई संकटमा पारेको जिकिर गरे । भेलामा नेकपा कर्णाली प्रदेश इञ्चार्ज समेत रहेका पूर्व मन्त्री जनार्दन शर्माले ओलीका कारण देशमा भ्रष्ट्राचार निम्तियो । क्रान्तिको झण्डालाई ओलीले निमोठेर फाल्नेको आरोप लगाए । अव जनताले रक्षाका निमित्त आवाज उठाउनु पर्ने अवस्था आएको बताए ।
कर्णाली प्रदेशलाई हेपेको आरोप लगाउदै उनले कर्णाली आफ्नै पक्षमा रहेको बताए । भेलामा कर्णाली प्रदेश सरकारका प्रवक्ता समेत रहेकी भूमि व्यवस्था कृषि तथा सहकारी मन्त्री विमला केसी, सांसद सीता नेपाली, चन्द्रबहादुर शाही लगायतले पनि ओलीको संसद विघटनको खुलेर विरोध गरे ।
