सुर्खेतमा सञ्चालित निजी विद्यालय बन्द

सुर्खेत । अत्याधिक गर्मीका कारण सुर्खेतका निजी विद्यालयहरू जेठ ३० गतेसम्म बन्द हुने भएका छन् ।

गर्मी हुन थालेपछि निजी विद्यालयहरूले एक हप्ताको लागि पठनपाठन बन्द गरेका हुन ।जिल्लाभरीका विद्यालयलाई एक साताका लागि बिदा दिन पत्राचार गरेको निजी तथा आवासीय विद्यालय अर्गनाइजेसन नेपाल (प्याब्सन)ले जनाएको छ ।

अत्यधिक गर्मीका कारण बालबालिका बेहोस हुन थालेपछि यस्तो कदम चालिएको हो । लुको खतरा बढेकाले स्वास्थ्यमा थप समस्या सिर्जना नहोस भनेर जोखिम लिन नचाहेको सरोकारवालाको भनाइछ ।