२ ग्राम खैरो हेरोइन जस्तो देखिने पदार्थसहित एक जना पक्राउ

बाँके । लागूऔषध २ ग्राम खैरो हेरोइन जस्तो देखिने पदार्थसहित एक जनालाई प्रहरीले पक्राउ गरेको छ ।

नेपालगन्ज उपमहानगरपालिका–१५ जमुनाहबाट अवैध लागूऔषध २ ग्राम खैरो हेरोइन जस्तो देखिने पदार्थसहित डुडुवा गाउँपालिका–५ बस्ने २५ वर्षीय उत्तम सार्कीलाई बिहीबार साँझ प्रहरीले पक्राउ गरेको हो ।

इलाका प्रहरी कार्यालय जमुनाह र लागूऔषध नियन्त्रण ब्यूरो नेपालगन्जबाट खटिएको संयुक्त टोलीले जाँच गर्ने क्रममा लागूऔषधसहित फेला पारी पक्राउ गरेको जनाएको छ । उक्त खैरो हेरोइन जस्तो देखिने पदार्थबारे प्रहरीले थप अनुसन्धान गरिरहेको छ ।