३३ जना यात्रु लिएर गुडिरहेको बसमा आगलागी, यात्रु सबै सुरक्षित

काठमाण्डौ । गुडिरहेको बसमा धादिङमा आगलागी भएको छ । ग १ ख ४८४६ नम्बरको बसमा शनिबार आगलागी भएको हो । बसको इञ्जिनबाट धुवाँ आउनेबित्तिकै यात्रुलाई बाहिर निकालिएको र मानवीय क्षति हुन नपाएको प्रहरीले जनाएको छ । बसमा रहेका ३३ जना यात्रु सुरक्षित रहेका छन् ।

दमकल र स्थानीयवासीले आगो निभाए पनि बस जलेर खरानी भएको छ । नीलकण्ठ नगरपालिका–१ पात्लेबाट काठमाण्डौ जाँदै गरेको बस धुनिबेसी–९ गणेशस्थानमा पुग्दा एक्कासी आगो लागेर जलेको प्रहरीले जनाएको छ।