अटो दुर्घटनामा चालकको मृत्यु, चार जना घाइते

गुल्मी । गुल्मी अटो दुर्घटनामा एक जनाको मृत्यु भएको छ । जिल्लाको रेसुङ्गा नगरपालिका वडा नम्बर–१३ दुबिचौरमा भएको अटो दुर्घटनामा एक जनाको मृत्यु र ४ जना घाइते भएको गुल्मी प्रहरीले जनाएको छ ।
अटो दुर्घटनामा लु १ ह २७४३ नम्बरको अटो चालक रेसुङ्गा नगरपालिका वडानम्बर–१२ का तेजबहादुर रानाको मृत्यु भएको हो ।

अटोमा सवार घाइते ४ जनामध्ये २ जनाको गुल्मी अस्पताल र २ जनालाई थप उपचारको लागि पाल्पा पठाइएको जिल्ला प्रहरी कार्यालय गुल्मीले जनाएको छ । गौडाकोटबाट तम्घासतर्फ आउँदै गर्दा अनियन्त्रित भइ सडकबाट अन्दाजी २ सय मिटर तल खसेर दुर्घटना भएको प्रहरीले जनाएको छ ।