अनुदान रकम वितरण गर्दा कृषक खुशी

अर्घाखाँची । नगरपालिकाले अनुदान रकम वितरण गरेपछि अर्घाखाँचीका कृषक खुशी भएका छन् । अर्घाखाँचीको शितगंगा नगरपालिकाले कृषकहरुको उत्पादन वृद्धिमा सहयोग पु¥याएपछि कृषकलाई अनुदान रकम वितरण गरेको हो । नगरपालिकाले खसी पाठा जिउँदो तौलका आधारमा सहकारीमार्फत बिक्री गर्ने किसानलाई प्रतिकिलो ५० रुपैयाँका दरले अनुदान वितरण गरेको जनाइएको छ ।

आर्थिक वर्ष ०७७(०७८ को बजेट मध्ये हालसम्म नगरपालिकाले ७५ लाख अनुदान वितरण गरेको छ । लोकल कुखुरा, बंगुरको पाठा र महमा प्रतिकिलो ५० रुपैयाँ दूधमा प्रतिलिटर ५ रुपैयाँ र लोकल अण्डा प्रतिगोटा २ रुपैयाँकादरले नगरपालिकाले अनुदान वितरण गर्दै आएको छ । नगरपालिकाले ४६ जना उत्कृष्ट उधमिहरुलाई ४ लाख ७० हजार ४ सय ७१ रुपैयाँ हालै वितरण गरेको छ ।