जिप अनियन्त्रित भएर भेरी नदीमा खस्दा दुईजनाको मृत्यु

काठमाडौं । रुकुम पश्चिममा जिप दुर्घटना हुँदा दुई जनाको मृत्यु भएको छ । राडिबाट रिम्नातर्फ जाँदै गरेको ग १ ज १८९७ नम्बरको जिप रुकुम पश्चिमको आठविसकोट नगरपालिका–११ चिसापानी नजिकै जिप दुर्घटना हुँदा दुई जनाको मृत्यु भएको हो ।

मृत्यु हुनेमा चालक बाफिकोट गाउँपालिका–८ दुलिका कविराम बिक र सहचालक मुसिकोट नगरपालिका–११ का कमल खड्का रहेको इलाका प्रहरी कार्यालय आठविसकोटले जनाएको छ । जिप अनियन्त्रित भएर भेरी नदीमा खसेको इलाका प्रहरी कार्यालय आठविसकोटले जनाएको छ।