उपत्यकामा लगाइएका सबै प्रतिबन्ध हटे

काठमाडौं । काठमाडौं उपत्यकामा लागेका सबै खाले प्रतिबन्ध हटेका छन् । कोभिड–१९ संक्रमण रोकथामका लागि उपत्यकामा लगाइएका सबै प्रतिबन्धात्मक व्यवस्था हटाइएका हुन । कोरोना संक्रमण घट्दै गएपछि फालगुन २१ गते शनिबारदेखि लागू हुनेगरी कानुन बमोजिमका राजनीतिक, आर्थिक, सामाजिक, शैक्षिक तथा व्यावसायिक क्रियाकलाप सञ्चालन गर्नरगराउन आदेश जारी गरिएको काठमाडौं उपत्यकाका तीन जिल्ला ललितपुर, भक्तपुर र काठमाडौं जिल्ला प्रशासन कार्यालयले जनाएका छन् ।

तीनै जिल्लाका प्रशासन कार्यालयले संक्रमणको कठिन समयमा आदेशको पालना गरी संक्रमण रोकथाममा सहयोग गरेकामा सबैलाई धन्यवाद समेत दिएका छन् । तीनै जिल्ला प्रशान कार्यालयले विभिन्न गतिविधि सञ्चालन गर्दा प्रचलित स्वास्थ्य मापदण्डको पूर्ण पालना गर्न आग्रह समेत गरेका छन् ।