काठमाडौँ–हेटौंडातर्फको यातायात पुनः सञ्चालन

मकवानपुर । काठमाडौँ–हेटौंडातर्फको यातायात पुनः सञ्चालनमा आएको छ । कान्तिलोकपथ अन्तर्गत पर्ने ललितपुर जिल्लाको भट्टेडाँडाको पहिरो पन्छाइएपछि पुनः सञ्चालनमा आएको हो ।

त्रिभुवन राजपथ, पूर्व–पश्चिम राजमार्ग, हेटौँडा–भीमफेदी सडकखण्ड र भीमफेदी–कुलेखानी हुँदै काठमाडौँतर्फको यातायात सेवा पनि सञ्चालनमा रहेको छ ।

कान्तिलोकपथअन्तर्गत पर्ने भट्टेडाँडा प्रहरी चौकीको सक्रियतामा सडक विभागको प्राविधिक टोलीले पहिरो पन्छाएर यातायात सञ्चालन गरेको मकवानपुर प्रहरीले जनाएको छ ।