तीन दिन गड्डाचौकी नाका बन्द हुने

कञ्चनपुर । नेपालको भारत संग रहेको पश्चिमी सीमानाका गड्डाचौकी बन्द हुने भएको छ । भारत उत्तराखण्डको चम्फावत विधान सभा क्षेत्र ५५ को उपचुनावका लागि तीन दिन उक्त नाका बन्द हुने भएको हो ।
गड्डाचौकीलगायत भारतको चम्फावत जिल्लासँग जोडिएका क्षेत्रहरूको सीमानाका बन्द हुने भएका हुन ।

स्वास्थ्य उपचारलगायत अन्य अत्यावश्यक सेवाका लागि अनुमति प्रदान गरिने उल्लेख गरिएको छ । यही जेठ १४ गते बेलुकी ५ बजेदेखि जेठ १७ गते बेलुकी ५ बजेसम्मका लागि सीमानाका बन्द हुने जिल्ला प्रशासन कार्यालय कञ्चनपुरले जनाएको छ ।