चितवनमा असुरक्षित गर्भतन गराउने किशोरी धेरै

चितवन । गर्भको अवधि १२ हप्ताभन्दा माथि भएमा सम्बन्धित कम्तीमा दुई जना विषय विशेषज्ञको राय लिनु पर्दछ । हाडनाता करणी र बलात्कारबाट रहन गएको गर्भको हकमा एक जना विषय विशेषज्ञको रायअनुसार महिलाको अनुमतिमा कानूनले तोकेको अवस्थामा मात्रै गर्भपतन गराउन सक्ने कानूनी व्यवस्था छ ।

तर चितवनमा यस्तो देखिएको छैन । गर्भपतन गराउन आउने किशोरी धेरै पाइएको छ । गत आव २०७६ ७७ मा चितवनमा पाँच हजार दुई जनाले सुरक्षित गर्भपतन गराएको स्वास्थ्य कार्यालय चितवनका प्रमुख दीपक तिवारीले बताए ।यसमध्ये ८७९ जना २० वर्षमुनिका छन् । यसैगरी आव २०७५र७६ मा सुरक्षित गर्भपतन गराउने ४ हजार ६३६ मध्ये ४६४ जना २० वर्षमुनिका छन् ।

यसैगरी आव २०७४र७५ मा यो सङ्ख्या चार हजार ४८१ रहेको छ । त्यसमध्ये ३४६ जना २० वर्षमुनिका थिए । विगतमा भन्दा सुरक्षित गर्भपतन गराउनेको सङ्ख्या बढ्दै गएको भएपनि असुरक्षित गर्भपतन गराउनेको सङ्ख्या त्यो भन्दा ठूलो हुनसक्ने उनको आँकलन छ । सामाजिक रुपमा हेरिने दृष्टिकोण, अवैध रुपमा रहेको गर्भलगायत कारण लुकिछिपी गर्भपतन गराउने गरेको पाइन्छ ।

गर्भपतनसम्बन्धी कानूनी व्यवस्थाका बारेमा जनचेतना जगाउन सकेमा असुरक्षित गर्भपतनबाट अकालमा ज्यान गुमाउनेको सङ्ख्या निकै कमी आउने उनको भनाइ छ ।