चीनमा कोरोना संक्रमण फैलिदै, जिलिन प्रान्तमा कडा प्रतिबन्धात्मक नियम लागू

काठमाडौं । चीनको जिलिन प्रान्तमा प्रतिबन्धात्मक नियमलाई कडा बनाइएको छ । कोरोना भाइरसको सङ्क्रमण बढेपछि त्यहाँ प्रतिबन्धात्मक नियमलाई कडा बनाइएको हो । जिलिन प्रन्तको चाङ्गचुङ्ग सहरका बासिन्दालाई पहिला खाद्यान्न लगायतका सरसामान खरिदका लागि नजिकैको पसलमा जान अनुमति दिइए पनि अहिले ती सबै सुविधा हटाइएको छ ।

९० लाखको आवादी रहेको यो सहरका बासिन्दालाई घरबाट बाहिर ननिस्कन त्यहाँको सरकारले प्रतिबन्ध लगाएको छ ।  त्यहाँका नागरिकलाई आउँदो हप्तासम्म घर भित्रै बस्न निर्देशन दिएको छ । ठूलो सङ्ख्यामा स्वास्थ्य परीक्षण नसकिएसम्म जिलिनका बासिन्दालाई घर भित्रै बस्न भनिएको अधिकारीहरुले जनाएका छन् ।