भर्खरै : Sorry, your browser does not support inline SVG.
बङ्गलादेशमा राजनीतिक हिंसा चर्कियो, आगजनी र बम विस्फोटका घटनापछि १२४ जना पक्राउ | पोखरामा प्यारापाइलट उत्पादन गर्ने पहिलो स्कुल सञ्चालनमा, १ करोड ५० लाख लगानी | भक्तपुर नगरव्यापी विद्यालयस्तरीय खेलकुद प्रतियोगिता सुरु, ८४ विद्यालयका ३२ सयभन्दा बढी विद्यार्थी सहभागी | असोजमा महँगी ६.३७ प्रतिशत पुग्यो, घिउतेल र फलफूलको मूल्य सबैभन्दा धेरै बढ्यो | नक्कली शैक्षिक प्रमाणपत्र प्रयोग गरी बढुवा लिएको आरोपमा अनुसन्धान विभागका अधिकृतविरुद्ध मुद्दा | दुई महिनामा ८८७ व्यावसायिक फर्ममा अनुगमन, ७४ लाई कारबाही | असोजमा रेमिट्यान्सको ऐतिहासिक कीर्तिमान, एकै महिनामा भित्रियो २ खर्ब ६७ अर्ब | नेपाली सेनाको प्रवक्तामा सहायक रथी राजेन्द्र श्रेष्ठ नियुक्त |

जर्मनीमा महँगीविरुद्धको प्रदर्शन हिंसात्मक, पसलहरूमा लुटपाट

जर्मनीमा महँगीविरुद्धको प्रदर्शन हिंसात्मक, पसलहरूमा लुटपाट

एजेन्सी । बढ्दो महँगी र सरकारी खर्च कटौतीको विरोधमा जर्मनीका विभिन्न सहरमा भएको प्रदर्शन हिंसात्मक बनेको छ । प्रदर्शनकारी र प्रहरीबीच झडप हुँदा केही पसलमा लुटपाटसमेत भएको बीबीसीले जनाएको छ ।

जर्मनीको वित्तीय केन्द्र फ्र्याङ्कफर्टसहित बर्लिन, कोलोन र ह्याम्बर्गमा प्रदर्शनका क्रममा हिंसात्मक घटना भएका हुन् । प्रदर्शनकारीले प्रहरी तथा उद्धारकर्मीमाथि आतसबाजी, ढुङ्गा र बोतल प्रहार गरेपछि प्रहरीले पानीको फोहोरा प्रयोग गरी भीडलाई तितरबितर पारेको समाचारमा उल्लेख छ ।

प्रदर्शनमा हजारौँ युवाले सहभागिता जनाएका थिए । उनीहरूले विद्यालय तथा शिक्षामा पर्याप्त बजेट विनियोजन गर्नुपर्ने, स्वास्थ्य र सामाजिक सेवामा बजेट कटौती रोक्नुपर्ने तथा बढ्दो जीवनयापन खर्च नियन्त्रण गर्नुपर्ने माग गरेका छन् । त्यस्तै, अनिवार्य सैन्य सेवाको व्यवस्था हटाउनुपर्ने माग पनि प्रदर्शनकारीले अघि सारेका छन् ।

यसैबीच, फ्रान्समा पनि महँगीविरुद्ध युवाहरूको नेतृत्वमा प्रदर्शन भएको छ । उक्त प्रदर्शनमा करिब एक लाख २० हजारभन्दा बढी मानिस सहभागी भएको समाचारमा उल्लेख छ । युरोपका विभिन्न देशमा बढ्दो महँगी, सार्वजनिक सेवामा बजेट कटौती र सरकारी नीतिको विरोधमा युवाहरूको प्रदर्शन चर्किंदै गएको छ ।

 


Thali Mobile Pvt.Ltd.