- २८ जेष्ठ २०८३, बिहीबार / Jun 11, 2026
भक्तपुर । मध्यपुरथिमी नगरपालिका वडा नं ३ गठ्ठाघर चोकमा १२ चक्के टेलरले स्कुटीलाई ठक्कर दिदा एक जनाको मृत्यु एक जना घाइते भएका छन् । भक्तपुरबाट काठमाडौ तर्फ जादै गरेको ना ८ ख २३११नं को टेलरले बा प्र०२–०३८प ४४०१नं को स्कुटीलाई ठक्कर दिएको हो ।
स्कुटीमा सवार स्कुटी चालक भक्तपुर नगरपालीका ५ घर भई हाल ललितपुर नखिपोट बस्ने बर्ष ४३ का जिते देउलाको नागरिक अस्पतालमा उपचार भईरहेको छ भने र उनीकी श्रीमती बर्ष ४१ कि नबिना देउलाको उपचारका क्रममा आज विहान मृत्यु भएको जिल्ला प्रहरी परिसर भक्तपुरले जनाएको छ ।
ट्रक चालक मकवानपुगढी गाउँपालिका वडा नं. ४ बस्ने बर्ष ३८ का बुद्ध बहादुर घलानलाई प्रहरी बृत ठिमीले नियन्त्रणमा लिएर अनुसन्धान गरिरहेको छ । दुर्घटनास्थलमा बाटो अबरोध नभएको प्रहरीले जनाएको छ ।
