- १९ श्रावण २०८३, मंगलवार / Aug 4, 2026
काठमाडौं । स्वास्थ्य तथा जनसंख्या मन्त्रालयले पछिल्लो २४ घण्टामा थप २ हजार ५२६ जनामा कोरोनाभाइरस संक्रमण भएको पुष्टि गरेको छ । कूल ११ हजार ७३ नमुना परीक्षण मध्यबाट १६०२ जना पीसीआर विधिबाट र ९२४ जना एन्टीजेन विधिबाट गरी थप २ हजार ५२६ जनामा कोरोना संक्रमण देखिएको बताएको हो ।
त्यस्तै सोही अवधिमा थप १६ जना कोरोना संक्रमितको ज्यान गएको र ८ हजार ४२५ जना कोरोना संक्रमणमुक्त भएको मन्त्रालयले जनाएको छ ।
मन्त्रालयले हाल नेपालमा ५६ हजार ४५७ जना संक्रिय संक्रमित रहेको र यी संक्रमित मध्यबाट होम आइसोलेसनमा ५५ हजार ९०, संस्थागत आइसोलेसनमा १ हजार ३६७ जना, आई.सी.युुमा २४३ र भेन्टिलेटरमा ५१ उपचाररत रहेको जनाएको छ ।
त्यस्तै, मन्त्रालयले काठमाडौं जिल्लामा ५७० जना, भक्तपुरमा ५५ जना र ललितपुरमा १२० जना संक्रमित रहेको जानकारी दिएको छ ।
