- ३१ असार २०८३, बुधबार / Jul 15, 2026
कैलाली । काठमाडौँ महानगरपालिकाको मेयरमा स्वतन्त्र उम्मेदवारले सबैको ध्यान आकर्षण गरिरहेको वेला कैलालीको धनगढी उपमहानगरपालिकाको मेयरमा स्वतन्त्र उम्मेदवार गोपाल हमाल विजयी भएका छन् । हमाल सत्ता गठबन्धनतर्फका नेपाली कांग्रेसका नृपबहादुर वडलाई पराजित गर्दै मेयरमा विजयी भएका हुन ।
उपमेयरमा नेकपा एमालेकी कन्दकला कुमारी राना विजयी भएकी छन् । हमालले २६ हजार ८ सय ६५ मत प्राप्त गर्दै विजयी भएका हुन भने उपमेयरमा रानाले १५ हजार ४ सय ७९ मत प्राप्त गरेर जित हासिल गरेकि हुन ।
गठबन्धन तर्फका मेयरको उम्मेदवार वडले १४ हजार ८१७ मत प्राप्त गर्दै पराजित भए भने नेपाली कांग्रेसकी उम्मेदवार शान्तिकुमारी अधिकारी क्षेत्रीले १२ हजार ६ सय ७० मत प्राप्त गरी पराजय भोगेकी छन् ।
