नयाँ वर्षको अवसरमा भक्तपुर अस्पताल मेडिकल सुपरिटेण्डेण्ट डा. गौतम विभूषित

काठमाडौं । नयाँ वर्ष २०७८ को अवसरमा भक्तपुर अस्पताल मेडिकल सुपरिटेण्डेण्ट डाक्टर सुमित्रा गौतम विभूषित हुनुभएको छ । संविधान दिवसको अवसर पारेर सरकारले गत असोज ३ गते घोषणा गरेको मानपदवीबाट नयाँ वर्ष २०७८ को अवसरमा आइतबार डाक्टर गौतम विभूषित हुनुभएको हो । जनसेवाश्री चतुर्थ श्रेणीबाट स्त्री रोग बिषशज्ञ डाक्टर सुमित्रा गौतम विभूषित हुनुभएको हो । नयाँ वर्षको अवसरमा विभिन्न क्षेत्रका ३४२ जनालई मानपदवी र विभूषणले सम्मान गरिएको थियो ।

कम्युनिष्ट नेता पुष्पलाल श्रेष्ठलाई मरणोपरान्त नेपाल रत्न प्रदान ,राष्ट्रकवि माधवप्रसाद घिमिरे, संस्कृतिविद् सत्यमोहन जोशीलाई महाउज्नवल राष्ट्रदीप(प्रथम श्रेणी) प्रदान गरिएको हो । प्रवल जनसेवा श्री पदवी १६० जना, ७४ जना जसेवाश्री पञ्चम श्रेणी , ६२ जना प्रबल जनसेवा श्री चतुर्थ श्रेणी प्रदान गरिएको थियो । नेपाल रत्न, महाउज्ज्वल राष्ट्रदीप, सुप्रसिद्ध प्रवल जनसेवाश्री, उज्ज्वल कीर्तिमय राष्ट्रदीप, सुकीर्तिमय राष्ट्रदीप, सुप्रवल जनसेवा श्री, प्रवल जनसेवा श्री र जनसेवा श्री लगायत विभूषण तथा मान सम्मान प्रदान गरिएको  थियो ।