भर्खरै : Sorry, your browser does not support inline SVG.
बङ्गलादेशमा राजनीतिक हिंसा चर्कियो, आगजनी र बम विस्फोटका घटनापछि १२४ जना पक्राउ | पोखरामा प्यारापाइलट उत्पादन गर्ने पहिलो स्कुल सञ्चालनमा, १ करोड ५० लाख लगानी | भक्तपुर नगरव्यापी विद्यालयस्तरीय खेलकुद प्रतियोगिता सुरु, ८४ विद्यालयका ३२ सयभन्दा बढी विद्यार्थी सहभागी | असोजमा महँगी ६.३७ प्रतिशत पुग्यो, घिउतेल र फलफूलको मूल्य सबैभन्दा धेरै बढ्यो | नक्कली शैक्षिक प्रमाणपत्र प्रयोग गरी बढुवा लिएको आरोपमा अनुसन्धान विभागका अधिकृतविरुद्ध मुद्दा | दुई महिनामा ८८७ व्यावसायिक फर्ममा अनुगमन, ७४ लाई कारबाही | असोजमा रेमिट्यान्सको ऐतिहासिक कीर्तिमान, एकै महिनामा भित्रियो २ खर्ब ६७ अर्ब | नेपाली सेनाको प्रवक्तामा सहायक रथी राजेन्द्र श्रेष्ठ नियुक्त |

पिसिआर रिपोर्ट नआएको भन्दै अस्पतालले आनाकानी गरेपछि वीर अस्पतालमा एक महिलाको मृत्यु

पिसिआर रिपोर्ट नआएको भन्दै अस्पतालले आनाकानी गरेपछि वीर अस्पतालमा एक महिलाको मृत्यु

२६ जेठ २०७७ सोमबार, काठमाडौं । कोरोना भाइरसको पिसिआर रिपोर्ट नआएको भन्दै वीर अस्पतालले आइसियुमा सार्न नमानेपछि एक महिलाको मृत्यु भएको छ । फिमेल मेडिकल वार्डमा उपचाररत ती महिलाको पिसिआर रिपोर्ट नआएको भन्दै अस्पतालले आइसियुमा सार्न आनाकानी गरेर टारेको थियो ।

ती महिलाको अवस्था झन गम्भीर भएपनि अस्पतालको पिसिआर रिपोर्टको बहानामा आइसियुमा सार्न नमानेपछि बिरामीको मृत्यु भएको अस्पतालका एक स्वास्थ्यकर्मीले बताए । आइसियुको शैय्या खाली भएपनि बिरामीलाई आइसियुमा सार्न नमानेको उनले बताए ।

उनी चार दिनदेखि अस्पताल भर्ना भएको अस्पतालका निर्देशक डा. केदार सेन्चुरीले बताए । आइसियुमा सार्ने क्रममै ती बिरामीको मृत्यु भएको उनको दावी छ । गम्भीर खालका बिरामीलाई पिपिई लगाई तत्काल उपचार गर्नु भनी सरकारले निर्देशन दिएपनि वीर अस्पतालले त्यसको उल्लघंन गरेको धेरै विरामीको भनाई छ ।

गम्भिर र आकस्मिक अवस्थामा रहेका बिरामीको पिपिई लगायतका सुरक्षा अपनाएर उपचार गर्नुपर्ने निर्देशिकामा उल्लेख छ । तर, वीर अस्पतालले त्यसको पालना नगर्दा समस्या भएको अस्पतालमा कार्यरत स्वास्थ्यकर्मीले बताए । अस्पतालले पछिल्लो समय गम्भिर अवस्थाका बिरामीलाई उपचार नगरी फर्काउने गरेको पनि विरामीको भनाई छ।

 


Thali Mobile Pvt.Ltd.