पुन विवाह गर्दै अभिनेत्री श्वेता खड्का

काठमाडौं । २०७१ असार २३ गते अभिनेता श्रीकृष्ण श्रेष्ठसँग विवाह गरेकी अभिनेत्री श्वेता खड्काले यही मंसिरमा विवाह गर्दै छिन् । विवाह गरेको एक महिनापछि साउन २५ गते श्रीकृष्णको निधन भएको थियो ।

श्वेता अहिले चलचित्र क्षेत्रसँगै व्यापारमा सक्रिय छिन् । अभिनेत्री श्वेता खड्काले प्रेमी विजयन्द्र सिंह रावतसँग विवाह गर्ने पक्का भएको छ । मंसिर २२ गते विवाह गर्न लागेको आधिकारिक जानकारी प्राप्त भएको छ ।

श्वेता र विजयन्द्र केही समयदेखि प्रेममा रहेको चलचित्र चर्चा भए पनि उनीहरुले आधिकारिक रुपमा स्वीकार गरेका थिएनन् । तर‚ उनीहरुको विवाहको कार्ड नै बाहिरिएपछि विवाह हुने सार्वजनिक भएको हो । विवाहको कार्ड अनुसार स्वेताको विवाह गोकर्ण फरेस्ट रिसोर्टमा हुने भएको छ।