फिलिपिन्समा बाढी पहिरो र आँधीको कहर

काठमाडौं । बाढी पहिरो र आँधीका कारण फिलिपिन्समा ५० जना भन्दा बढिको मृत्यु भएको छ । फिलिपिन्समा बाढी पहिरो र आँधीका कारण मृत्यु हुनेको संख्या अझै बढ्न सक्ने जनाइएको छ । आँधीका कारण आएको बाढी तथा पहिरोमा परेर कम्तीमा ५३ जनाको मृत्यु भएको छ भने उद्धारकर्मीहरू अहिले पनि देशको पूर्वी, दक्षिणी तटीय क्षेत्रमा उद्धार तथा राहतका लागि खटिइरहेको जनाइएको छ ।

लेदो सहितको पहिरोले गाउँको जनजीवन प्रभावित भएको छ । मेगी आँधीका कारण फिलिपिन्सको जनजीवन प्रभावित भएको छ । आँधीबाट जोगिन १३ हजार बढी मानिस सुरक्षित स्थानमा गएका छन् । भारी वर्षा र तीव्र गतिको हावाका कारण विद्युत आपूर्ति बन्द भएको छ भने घरमा बाढी पसेको छ ।