भर्खरै : Sorry, your browser does not support inline SVG.
पोखरामा प्यारापाइलट उत्पादन गर्ने पहिलो स्कुल सञ्चालनमा, १ करोड ५० लाख लगानी | भक्तपुर नगरव्यापी विद्यालयस्तरीय खेलकुद प्रतियोगिता सुरु, ८४ विद्यालयका ३२ सयभन्दा बढी विद्यार्थी सहभागी | असोजमा महँगी ६.३७ प्रतिशत पुग्यो, घिउतेल र फलफूलको मूल्य सबैभन्दा धेरै बढ्यो | नक्कली शैक्षिक प्रमाणपत्र प्रयोग गरी बढुवा लिएको आरोपमा अनुसन्धान विभागका अधिकृतविरुद्ध मुद्दा | दुई महिनामा ८८७ व्यावसायिक फर्ममा अनुगमन, ७४ लाई कारबाही | असोजमा रेमिट्यान्सको ऐतिहासिक कीर्तिमान, एकै महिनामा भित्रियो २ खर्ब ६७ अर्ब | नेपाली सेनाको प्रवक्तामा सहायक रथी राजेन्द्र श्रेष्ठ नियुक्त | काठमाडौं विश्वकै तेस्रो प्रदूषित सहर, प्रदूषण नियन्त्रणको कार्ययोजना सार्वजनिक गर्दै महानगर |

बाँकेका ग्रामीण भेगमा बाली उपचार शिविर सञ्चालन

बाँकेका ग्रामीण भेगमा बाली उपचार शिविर सञ्चालन

नेपालगञ्ज । बाँकेका गाउँ बस्तीमा पुगेर कृषि प्राविधिकले बाली उपचार शिविर सञ्चालन गरेका छन् ।कृषि ज्ञान केन्द्रले कोहलपुर नगरपालिका–१५ राप्तीसोनारी गाउँपालिका–८ पेरानीमा बाली उपचार शिविर सञ्चालन गरेका हुन् । “जहाँको बालीमा रोग देखिएको छ त्यहाँ शिविर सञ्चालन गरिएको हो”, केन्द्र प्रमुख विनोद घिमिरेले भने ।

सागसब्जीका पकेट क्षेत्र भएका स्थानलाई प्राथमिकतामा राखेर बाली उपचार सुरु गरेको हो । कृषि प्राविधिकले आलुमा लागेको डढुवा, लाही कीराको प्रकोप, फलमा प्वाल परेको, काउलीमा सूक्ष्म खाद्यतत्वको कमी देखिएको, गोलभेँडाको पछौटे डढुवा, फल फुटेको, फलमा गबारो लागेको, राजमामा कीराको प्रकोप, खुर्सानीमा रोगको प्रकोप, मकैमा कीराको प्रकोप देखिएको समस्याबारे किसानलाई विभिन्न सुझाव दिएका छन् ।

वरिष्ठ बागवानी विकास अधिकृत सन्तोष पाठकले कृषि प्राविधिकको सिफारिसअनुसार मात्र मलखाद र विषादीको प्रयोग गर्न किसानलाई सुझाव दिइएको बताए । उनले ज्ञानको अभावका कारण बालीमा जथाभावी विषादीको प्रयोग बढेको देखिएको भन्दै भरपर्दो उपचार आवश्यक भएको बताए ।

शिविरमा बिरामी समस्याग्रस्त बोटबिरुवा ल्याएर किसानले विशेषज्ञबाट समस्या पहिचान तथा समाधानका उपायबारे सुझाव लिएका थिए । शिविरमा १७३ जना किसान सहभागी भएका थिए । रासस

 


Thali Mobile Pvt.Ltd.