- १४ आश्विन २०८३, बुधबार / Sep 30, 2026
काठमाडौं । बुधबार थप ३३२ जनामा कोरोना भाइरस संक्रमण पुष्टि भएको छ । स्वास्थ्य तथा जनसंख्या मन्त्रालयका अनुसार देशभर ७ हजार ५ सय ९० जनाको पीसीआर परीक्षण गर्दा ३०५ जना र २ हजार ३ सय ३० जनाको एन्टिजेन परीक्षण गर्दा २७ जना गरी कुल ३३२ जनामा कोरोना भाइरसको संक्रमण देखिएको हो ।
यस्तै पछिल्लो २४ घण्टामा २३२ जना कोरोना संक्रमणमुक्त भएका छन् । योसंगै हालसम्म कोरोना संक्रमणबाट निको हुनेको संख्या ८ लाख १ हजार १२२ जना रहेको छ ।
मन्त्रालयका अनुसार बुधबार थपिएसंगै नेपालमा कोरोना संक्रमितको कुल संख्या ९ लाख १५ हजार ४०१ पुगेको छ । हाल देशभर सक्रिय संक्रमितको संख्या ७ हजार ३६९ जना रहेको जसमध्ये काठमाडौंमा १४४ ललितपुरमा २६ र भक्तपुरमा ११ गरी जम्मा १८१ जना काठमाडौं उपत्यकामा कोरोना संक्रमित देखिएको छ ।
गत २४ घण्टामा कोरोना भाइरस संक्रमणबाट थप ४ जनाको मृत्यु भएको छ । हालसम्म नेपालमा मृत्यु हुनेको संख्या ११ हजार ५१३ पुगेको मन्त्रालयले जनाएको छ ।
