- ९ भाद्र २०८३, मंगलवार / Aug 25, 2026
नयाँ दिल्ली । बेलायतले युक्रेनमा आफ्नो दूतावास पुनः सञ्चालन गर्ने भएको छ । रुसले युक्रेनमा आक्रमण गरेपछि बन्द गरिएको दूतावास अर्को हप्तादेखि फेरि सञ्चालनमा ल्याइने भएको हो । युक्रेनको राजधानी किभमा दूतावास पुनः सञ्चालन गर्न गृहकार्य भइरहेको प्रधानमन्त्री बोरिस जोनसनले जानकारी दिनुभएको छ ।
हाल भारत भ्रमणमा रहनु भएका प्रधानमन्त्री जोनसनले शुक्रबार भारतमा भन्नुभयो, “हामी अति चाडै नै सम्भवतःः अर्को हप्ता नै किभमा बेलायतको दुतावास पुनः सञ्चालन गर्ने तयारीमा छौँ ।” उहाँ दुई दिने भ्रमणका लागि बिहीबार भारत आउनु भएको हो ।
किभमा दूतावास खोल्नका लागि बेलायतबाट कुटनीतिज्ञहरू त्यस तर्फ गइसकेको पनि उहाँले जानकारी दिनुभयो । यसअघि गम्भीर सुरक्षा चुनौती रहेकाले आफूहरू किभमा बस्न नसक्ने भन्दै बेलायती कुटनीतिज्ञहरूले दूतावास नै बन्द गरेर स्वदेश फर्किएका थिए ।
