भारतबाट अवैधरूपमा भित्रिए दुई हजार किलो माछा नष्ट

काठमाण्डौ । मत्स्य व्यवसायी सङ्घ, पशु क्वारेन्टाइन चेकपोष्ट रामनगर र जिल्ला प्रहरी कार्यालय चितवनले दुई हजार किलो माछा नष्ट गरेको छ । संयुक्त टोलीले बरामद गरेको दुई हजार किलो माछा नष्ट गरिएको हो  । नष्ट गरिएको माछाको बजार मूल्य तीन लाख २० हजार रुपैयाँसम्म हुनसक्ने तर बिलमा एक लाख ६० हजार रुपैयाँ मात्र लेखिएको देखिएको छ ।

अवैधरूपमा माछा नेपाल भित्रने क्रम नरोकिएको मत्स्य व्यवसायी सङ्घ चितवनले जनाएको छ । नष्ट गरिएको माछा भारतबाट अवैधरूपमा भित्रिएको पशु क्वारेन्टाइन चेकपोष्ट रामनगरले जनाएको छ । लु ३ च १७९४ नम्बरको गाडीमा राखेर चितवन हुँदै काठमाण्डौ ल्याउन लागिएको माछा जाँचको क्रममा प्रहरीले बरामद गरेको थियो ।