भारतमा सशस्त्र प्रहरीका असई मृत फेला

सप्तरी । सप्तरीको छिन्नमस्तास्थित बोर्डर आउट पोष्टमा कार्यरत सशस्त्र प्रहरी बलका एक जना सहायक प्रहरी निरीक्षक (असई) भारतमा मृत फेला परेका छन् ।
भारतको बिहार राज्य अन्तर्गत मधुवनी जिल्लाको जिरोगा पुनर्वासस्थित घोडदह खोलामा असई सत्यनारायण यादव बिहीबार मृत भेटिएका हुन् । यादवको शव भारतको कानुनी प्रकृया पूरा गरी नेपाल ल्याइएको जनाइएको छ ।

उनको शव राजविराजस्थित गजेन्द्रनारायण सिंह अस्पतालमा शुक्रबार पोष्टमार्टम गरिएको छ ।  उनी सिरहाको भगवानपुर २ का बासिन्दा हुन् । सशस्त्र प्रहरी बल गण नम्बर ६ हेडक्वार्टर राजविराजमा दरबन्दी भएका यादव १८ असोजदेखि २१ गतेसम्मका लागि विदा रहेका थिए । उनी दशगजा क्षेत्रदेखि तीन किलोमिटर दक्षिण मृत भेटिएका हुन ।