भारत र पाकिस्तानबीच खेल भिडन्त हुदैँ

काठमाडौं । आईसीसी टी–२० विश्वकप क्रिकेट अन्तर्गत आज दुई खेल हुँदैछन् । भारत र पाकिस्तानबीच आज भिडन्त हुँदैछ । भारतमा हुनुपर्ने विश्वकप कोरोना महामारीका कारण यूएई र ओमानमा खेलाइएको आयोजकले बताएको छ ।

पहिलो चरणको एक समूहको खेल ओमानमा भएको थियो भने अरु सबै खेल यूएईको तीनवटा मैदानमा खेलाउन लागिएको आयोजकको भनाइ छ । भारत र पाकिस्तानबीचको खेल नेपाली समय अनुसार बेलुका पौने ८ बजे दुबईमा सुरु हुनेछ ।

लामो समयदेखि राजनैतिक तनाव झेल्दै आएका भारत र पाकिस्तानबीचको खेल भिडन्तलाई उच्च चाँसोकासाथ हेरिएको छ । क्रिकेट मैदानलाई पनि लडाइको मैदान जस्तैगरी लिएको खेलाडिले बताएका छन् ।

राजनैतिक असर खेल क्षेत्रमासमेत देखिएको जानकार बताँउछन् । भारत र पाकिस्तानबीचको खेलअघि शारजहाँमा दिउँसो पौने ४ बजे ग्रुप १ मा रहेको बंगलादेश र श्रीलंकाबीच प्रतिस्पर्धा हुदैछ ।