- ९ बैशाख २०८३, बुधबार / Apr 22, 2026
काठमाडौं । रोल्पाका स्रष्टा नवीन विभासलाई पुरस्कार प्रदान गरिने भएको छ ।
कलासाहित्य डटकम प्रतिष्ठानको आयोजना र ललित साहित्य परिषद्, रोल्पाको सह–आयोजनमा ‘ग्रेगरी कला संस्कृति पुरस्कार विभासलाई प्रदान गरिने भएको हो ।
साहित्यमार्फत समाजसेवा गरेवापत विभासलाई रु २० हजार राशिको पुरस्कार प्रदान गर्ने निर्णय गरिएको प्रतिष्ठानकी अध्यक्ष मोमिला जोशीले बताइन् ।
आगामी कार्तिक १३ गते रोल्पामा हुने ‘सिर्जना उत्सव समारोह’मा समर्पण गरिने उनको भनाइ छ । यसअघि ग्रेगरी कला संस्कृति पुरस्कार शेरबहादुर अधिकारी, पूर्ण समीर महतारा, खडानन्द चौलागाई र मनोहर लामिछानेलाई प्रदान गरिएको थियो ।
