मोटरसाइकल दुर्घटना हुँदा धनुषामा एक जनाको मृत्यु

काठमाडौं । मोटरसाइकल दुर्घटना हुँदा धनुषामा एक जनाको मृत्यु भएको छ । सोमबार राति धनुषाको जनकपुर उपमहानगरपालिका–४ कटैया चौरीमा मोटरसाइकल दुर्घटना हुँदा चालकको मृत्यु भएको हो ।

ज ७ प ५२३ नम्बरको मोटरसाइकल कुकुरलाई बचाउने क्रममा अनियन्त्रित भई दुर्घटना हुँदा धनुषाकै मुखियापट्टीका ४४ वर्षीय विजय कुमार साहको मृत्यु भएको धनुषा प्रहरीले जनाएको छ । साहको जनकपुरस्थित प्रादेशिक अस्पतालमा उपचारको क्रममा निधन भएको छ ।