३ दिनको अवधिमा १७ सय ३० जना युक्रेनी सेनाले आत्मसमर्पण गरे

काठमाडौँ। युक्रेनको मरियुपोल शहरमा रहेका ९ सय सैनिकले आत्मसमर्पण गरेको रुसले दाबी गरेको छ । ३ दिनको अवधिमा १७ सय ३० जना युक्रेनी सेनाले आत्मसमर्पण गरेको रुसले जनाएको हो ।

रुसी सेनाले घेरा हालेको युक्रेनको दक्षिणी क्षेत्रको केही भाग युक्रेनले फिर्ता लिइसकेको जनाइएको छ । युक्रेनका राष्ट्रपति भ्लोदिमिर जेलेन्स्कीले रुसलाई पतनको बाटोमा अग्रसर भएको आरोप लगाएका छन् ।

मरियुपोलको एजोभ्स्टल स्टील कारखानामा फसेका सर्वसाधारण र सेनाको उद्धार गरिसकेको अवस्थामा आत्मसमर्पण गरेकाहरूलाई रुसको कैदी राख्ने क्याम्पमा लगिएको रुसी अधिकारीहरूले बताएका छन् ।