विकास साझेदारहरुसँग अर्थमन्त्री महतले बजेटका विषयमा छलफल

काठमाडौं । नेपालस्थित अन्तर्राष्ट्रिय विकास साझेदारहरुसँग आगामी आर्थिक वर्ष २०८० र ८१ को बजेटका विषयमा अर्थमन्त्री डा. प्रकाशशरण महतले छलफल गरेका छन् । छलफल क्रममा अर्थमन्त्री डा. महतले सरकारका आगामी दिनका प्राथमिकता, बजेटले लिने मार्ग दर्शन, सिद्धान्तका विषयमा जानकारी गराएका हुन । नेपाल सरकारले उपलब्ध साधन स्रोतको उच्चतम सदुपयोग गर्ने प्रतिबद्धता अर्थमन्त्री महतले व्यक्त गरेका थिए ।

छलफलमा विश्व बैंक, एशियाली विकास बैंक, अन्तर्राष्ट्रिय मुद्रा कोष र अन्तर्राष्ट्रिय वित्त निगम जस्ता बहुपक्षीय विकास साझेदार, अमेरिकी अन्तर्राष्ट्रिय विकास नियोग, जापान, कोरिया, स्विजरल्याण्ड, नर्वे, फिनल्याण्डलगायतका द्विपक्षीय विकास साझेदार संस्थाका प्रमुख तथा प्रतिनिधिहरुको उपस्थिति रहेको थियो ।