- १६ जेष्ठ २०८३, शनिबार / May 30, 2026
एजेन्सी । सुडानमा सुन खानी भत्किँदा कम्तिमा ३८ जनाको मृत्यु भएको छ । सुडानको पश्चिमी क्षेत्रस्थित कोर्डोफान प्रान्तमा रहेको पुरानो सुनखानी भत्किँदा केहीको मृत्यु र केही बेपता भएको समाचार स्रोतले बताएको छ ।
सुडानको खनिज स्रोत साधन कम्पनीका प्रवक्ता इस्मेइल टिसोयुले खानीमा केही मानिस पुरिएको हुन सक्ने आशंका गरेका छन् । सुडानको राजधानी खार्तुमबाट ७०० किलोमिटर दक्षिणको फुजा गाउँमा रहको सो सुन खानीमा पुरिएर ८ जना घाईते भएका छन् ।
पुरिएका व्यक्तिको खोजी र उद्दारमा प्रहरीसँगै स्थानीय पनि खटिएका छन् । कम्पनीले सार्वजनिक गरेको एउटा तस्बीरमा खानीमा पुरिएका व्यक्तिको अन्त्यष्टिको लागि स्थानीयले चिहान खडा गरेका छन् ।
खानी भत्किएको विषयमा प्रहरीले थप अनुसन्धान गरेको छ ।
