- १४ जेष्ठ २०८३, बिहीबार / May 28, 2026
काठमाडौं । सैन्य विद्रोह गरेर अफगानिस्तानमा शासन गरिरहेको तालिबानले हिजाब नलगाउने महिलाको लागि नयाँ फरमान अगाडि सारेको छ ।
अफगानिस्तानको बाल्ख प्रान्तमा पसलहरूलाई हिजाब नलगाएका महिलालाई कुनै पनि वस्तु बेच्न प्रतिबन्ध लगाइएको छ।
कुनै पसलले हिजाब नलगाउने महिलालाई कुनै वस्तु बिक्री गरेको पाइएमा कारवाही गरिने पनि जनाइएको छ ।
मजार(ए(शरीफ शहरको ब्लू मस्जिदको तर्फबाट यो आदेश जारी गरिएको हो।
अफगानिस्तानमा तालिबान सरकार आएसँगै महिलाहरुलाई हिजाब लगाउनमा कडाई गरिएको छ ।
दुई महिना अघि मात्र अफगानिस्तानमा हिजाब नलगाउने महिला जनावरसँग तुलना गरिएको थियो भने महिलालाई छोटो तथा टाइट लुगा लगाउनबाट पनि निषेध गरिएको थियो ।
