हिमालयन एडभेन्चर प्रालिमा आगलागी हुदा तीन जनाको मृत्यु

काठमाडौं । बूढानीलकण्ठ नगरपालिका–१० स्थित इलाइट हिमालयन एडभेन्चर प्रालिमा आगलागी हुँदा तीन जनाको मृत्यु भएको छ।

राममन्दिर छेउको घरमा अक्सिजन प्लान्ट पड्केर आगलागी हुँदा ठूलो क्षति भएको प्रहरीले बताएकाे छ । उक्त घरमा ट्रेकिङ कम्पनीको कार्यालय रहेको छ।

स्थानीय टंक घिसिङको घरबाट अचानक आगो फैलिएको बताइएकाे छ । आगलागीमा परी मृत्यु हुनेको संख्या तीन पुगेको जिल्ला प्रहरी परिसर काठमाडौंले जनाएकाे छ।

प्रहरीका अनुसार मृतकको पहिचान हुन सकेको छैन भने आगो निभाउनका लागि वारुणयन्त्र र पानी ट्याङ्कर प्रयोग गरिएको थियो ।