- ८ जेष्ठ २०८३, शुक्रबार / May 22, 2026
हेटौंडा । हेटौंडा उपमहानगरपालिकाको मेयरमा राष्ट्रिय प्रजातन्त्र पार्टीले अग्रता कायम गरेको छ । नेकपा एकीकृत समाजवादीलाई उछिन्दै अग्रता कायम गरेको हो ।
पछिल्लो मत परिणाम अनुसार राप्रपाका उम्मेदवार दीपकबहादुर सिंहले २ हजार ७१० मत ल्याएका छन् । एकीकृत समाजवादीकी मीना लामालाई पछि पारेका सिंहलाइ लामाले पच्छ्याएकी छन् । लामाले २ हजार ६६९ मत रहेको छ ।
तेस्रो स्थानमा नेकपा एमालेका उम्मेदवार अनन्त पौडेल रहेका छन् । उनलले २ हजार ४३४ मत पाएका छन् । हेटौंडा उपमहानगरपालिकाको उपमेयरमा भने नेपाली कांग्रेसले अग्रता लिएको छ ।
कांग्रेसका तर्फबाट उपमेयर उम्मेदवार राजेश बानियाँले ३ हजार ९८२ मत पाएका छन् । एमालेका सुमित्रा काफ्लेले ३ हजार १६ मतका साथ पछ्याइरहेकी छन् । राप्रपाकी इन्दिरा न्यौपानेले ८०३ मत ल्याएकी छन् ।
