४ अर्ब बढी इन्टरनेट प्रयोगकर्तामा , महिलाकाे पहुँच न्यून

एजेन्सी । प्रविधिको विकाससँगै इन्टरनेट प्रयोगकर्ताहरुको संख्या दिनानुदिन बढ्दै गइरहेको छ । हालै सार्वजनिक तथ्यांक अनुसार इन्टरनेट प्रयोगकर्ताको संख्य ४ अर्ब बढी छ । जसमा आधाभन्दा बढी महिला पहुँच भन्दा बाहिर रहेको देखाइएको छ ।

आधाभन्दा बढी महिलाहरुले इन्टरनेट प्रयोग नगर्ने तथ्यांकले देखाएको छ । यसले डिजिटल टेक्नोलोजीहरुको शक्तिबाट अझै महिलाहरुले फाइदा लिनबाट बञ्चित रहेको देखाएको छ । विश्वभरका करिब ५२ प्रतिशत महिलाहरु इन्टनरेटको प्रयोगबा टाढिएका छन् ।

अमेरिकामा बाहेक अन्य देशहरु तथा क्षेत्रहरुमा इन्टरनेट प्रयोग गर्ने पुरुषहरुको संख्या महिलाको तुलनामा निकै बढी छ । अमेरिकामा भने बराबरीजसो रहेको छ ।विश्वभरीका महिलाहरुमध्ये ४२ प्रतिशतले मात्र इन्टरनेट प्रयोग गर्ने गरेका छन भने पुरुषहरुमध्ये ५८ प्रतिशतले इन्टरनेट प्रयोग गरिरहेका छन् ।