- १६ श्रावण २०८३, शनिबार / Aug 1, 2026
अमेरिका । राष्ट्रपति डोनाल्ड ट्रम्प कोरोना भाइरसबाट सङ्क्रमित भएका छन् । उनी सङ्क्रमित विश्व नेताहरुको सूचीमा परेका छन् । यसैबीच बेलायती प्रधानमन्त्री बोरिस जोनसन कोरोना भाइरसबाट सङ्क्रमित हुने विश्व नेताहरुमध्ये पहिलो हुन् । गत अप्रिलमा सङ्क्रमित भएपछि आइसियुमै राख्नुपरेको थियो । त्यसपछि ब्राजिलका राष्ट्रपति जैर बोल्सोनारो गत जुलाईमा कोरोना भाइरसको सङ्क्रमण भएको थियो ।
उनले सङ्क्रमित भएको बेला मलेरिया विरुद्धको औषधि प्रयोगका थिए । त्यसपछि होन्डुरसका राष्ट्रपति हुवान ओर्लान्डो हर्नान्डेज गत जुन महिनामा कोरोना भाइरसको संक्रमण पुष्टि भएको थियो । राष्ट्रपति हर्नान्डेजसँगै उनकी श्रीमती र दुई जना सहयोगीमा पनि संक्रमण देखिएको थियो । तर उहाँमा लक्षण भने सामन्य मात्रै देखिएको थियो । त्यसपछि गुटेमालाका राष्ट्रपति एलेजन्ड्रो गियामाते सङ्क्रमित भएका थिए ।
उनलाई गत सेप्टेम्बरमा सङ्क्रमण पुष्टि भएको थियो । आफूलाई कोरोना भाइरसको सङ्क्रमण पुष्टि भएपछि टेलिभिजन सम्बोधनमार्फत उनले आफूलाई कुनै लक्षणहरु भने नदेखिएको उल्लेख गरेका थिए । त्यसपछि बोलिभियाका अन्तरिम राष्ट्रपति जेनिन अनेज पनि कोरोना भाइरसबाट सङ्क्रमित भएका थिए । गत जुलाईमा सङ्क्रमण भएको हो । सङ्क्रमित भएपछि आइसोलेशनमा बसेका थिए ।
त्यसपछि डोमिनिकाका राष्ट्रपति लुइस अबिनाडेर जुलाईमा कोरोना भाइरसबाट सङ्क्रमित भएका थिए । त्यसपछि इरानका उपराष्ट्रपति र मन्त्रीहरु कोरोना भाइरसबाट सङ्क्रमित भएका थिए । यीबाहेक रूसका प्रधानमन्त्री मिखाइल मिसुस्तिन, आर्मिनियाका प्रधानमन्त्री निकोल पसिनयान, बेलायतका राजकुमार चाल्र्सलाई पनि कोरोनाको सङ्क्रमण पुष्टि भएको थियो ।
त्यसैगरी धेरै देशका सरकार तथा राष्ट्र प्रमुखका श्रीमती तथा परिवारजन र धेरै देशका मन्त्रीसहितका उच्च अधिकारीहरु पनि कोरोना भाइरसबाट सङ्क्रमित भएका थिए । विश्वव्यापी रुप्मा फैलिएको कोरोना भाइरसका कारण अहिलेसम्म विश्वभरी दश लाख २८ हजार १९६ जनाको मृत्यु भएको छ ।
