अर्काको जग्गा बेच्ने ३ जना कारागार चलान

सुर्खेत । उच्च अदालत सुर्खेतले ३ जनालाई कारागार चलन गर्न आदेश दिएको छ । अर्काको जग्गा बेचिदिने तीन जनालाई कारागार चलान गर्न उच्च अदालतले सुर्खेतले आदेश दिएको हो । उच्च अदालतले वीरेन्द्रगर सुर्खेतका सन्तोष ठाकुरसहित तीन जनालाई पुर्पक्षका लागि कारागार चलान गर्न आदेश दिएको हो ।

उच्च अदालतका न्यायाधीश राजेद्र सुवेदी र राजेश्वर तिवारीको बिहीबारको संयुक्त इजलासले वीरेन्द्रनगर २ भुरेलीका ठाकुरसहित, वीरेन्द्रनगर ५ का निर्मल पुरी र वीरेन्द्रनगर २ का गोर्खबहादुर भन्ने गणेश बुढालाई कारागार चलान गर्न आदेश दिएको हो । उनीहरूले जग्गाका मालिक सौगात रावतको नक्कली सहीछाप गरी उनको जग्गा अर्कैलाई बेचेका थिए । रावतको उक्त सहीछाप विधि विज्ञान प्रयोगशालाबाट नमिलेको प्रमाणित भएको थियो ।