- २७ भाद्र २०८३, शनिबार / Sep 12, 2026
काठमाडौं । पाकिस्तानले आईसीसी टी–२० विश्वकपमा लगातार तेस्रो जित हात पारेको छ । बाबर आजमको अर्धशतक र आसिफ अलीको विष्फोटक ब्याटिङमा पाकिस्तानले तेस्रो जित निकालेको हो । सुपर १२ अन्तर्गत ग्रुप २ मा रहेको पाकिस्तान तीन खेलबाट ६ अंक जोड्दै शीर्ष स्थानमा रहेको छ भने सेमिफाइनल पुग्ने सम्भावना बलियो बनाएको छ ।
आसिफ अलीले १९औं ओभरमा चार छक्का प्रहार गरेपछि पाकिस्तानले शुक्रबार भएको खेलमा अफनिस्तानलाई पाँच विकेटले पराजित गरेको हो । अफगानिस्तानले दिएको १४८ रनको लक्ष्य पाकिस्तानले ६ बल बाँकी छँदै पाँच विकेट गुमाएर पूरा गर्यो । अन्तिम दुई ओभरमा जितका लागि पाकिस्तानलाई २४ रन आवश्यक थियो । १९औं ओभर अफगानिस्तानका करिम जन्नतले बलिङ गरेका थिए ।
जसमा आसिफ अलीले चार छक्का प्रहार गरेपछि पाकिस्तानले एक ओभर अगावै खेल जितेको हो । पाकिस्तानले अब दुई एसोसिएट राष्ट्र नामिबिया र स्कटल्याण्डसँग खेल्न बाँकी छ । पहिलो हार बेहोरेको अफगानिस्तानको दुई खेलबाट दुई अंकसहित दोस्रो स्थानमा छ ।
