अर्घाखाँची दुर्घटनमा मृत्यु हुनेको पहिचान खुल्यो

अर्घाखाँची । अर्घाखाँचीको शितगंगा नगरपालिकाको ठाडामा भएको दुर्घटनामा मृत्यु हुनेको पहिचान खुलेको छ । हाईस दुर्घटना परि एकजनाको मृत्यु भएको र १० जना घाइते भएका हुन । ११ जना सवार रहेको हाईस दुर्घटनामा परि जिल्लाको भुमिकास्थान नगरपालिका वडा नम्बर ९ ढिकुराका सन्जय विकको उपचारको क्रममा ठाडा प्राथामिक स्वास्थ्य चौकीमा मृत्यु भएको हो ।

काठमाण्डौबाट अर्घाखाँची आउदै गरेको लु ३ ख ८६३९ नम्वरको हाईस सितगंगा नगरपालिका वडा नं ३ मा सडकदेखी करिव ४०० मिटर तल खसेको जिल्ला प्रहरी कार्यालय अर्घाखाँचीले जनाएको छ । अन्य १० जना घाइते भएका हुन १० जना मध्ये प्राथामिक स्वास्थ्य चौकी ठाडाले ३ जना गम्भिर घाईत सहित ७ जना लाई थप उपचारको लागि बुटवल रिफर गरेको जिल्ला प्रहरी कार्यालय अर्घाखाँचीले जानकाएको छ ।