- २२ असार २०८३, सोमबार / Jul 6, 2026
काठमाडौं । कर्णाली प्रदेशका उच्च हिमाली जिल्लामा केही दिनयता हवाई उडान ठप्प भएको छ । निजी जहाज लुक्ला, पोखरा, जोमसोमलगायत पर्यटकीय स्थानमा व्यस्त भएकाले कर्णालीका हिमाली जिल्लामा उडान ठप्प भएको हो ।
हुम्ला, मुगु, जुम्ला र डोल्पामा नियमित रुपमा उडान गर्दै आएका तारा, समिट र सीता एयरलाइन्स पर्यटक बोक्न पूर्वतिर गएपछि यात्रु अलपत्र परेका छन् ।
सर्केगाड, खार्पुनाथ, सिमकोट र उत्तरी नाम्खा गाउँपालिकाका नागरिकलाई जिल्ला बाहिर जान थप समस्या भएको छ । निजी एयरलाइन्सले हुम्लामा दैनिक एक–एक उडान अनिवार्य गर्नुपर्ने नियम भएपनि उक्त नियमलाई उल्लंघन गरी
ब्यापारिक फाइदामा लागेका हुन । नेपालगञ्जबाट हुम्लाका लागि हवाई उडान नहुँदा करिब ४० देखि ६० नागरिक होटलमा बस्न बाध्य छन् ।
