उपकुलपति कार्यालय घेराउ

काठमाडौं । त्रिभुवन विश्वविद्यालयका उपप्राध्याक प्रेम चलाउने कुटपिटको विरोधमा प्राध्यापकहरुले उपकुलपतिको कार्यालय घेराउ गरेका छन् । नेपाल प्रगतिशील प्राध्यापक संगठन र नेपाल राष्ट्रिय प्राध्यापक संगठनमा प्राध्यापकले उपकुलपति कार्यालय घेराउ गरेका हुन् ।

कीर्तिपुरस्थित विश्वविद्यालयको हाताभित्रै एक समूहले उपप्राध्यापक चलाउनेमाथि सांघातिक आक्रमण गरेको थियो । उक्त घटनामा संलग्न पक्राउ नपरेको भन्दै प्राध्यापकहरु विरोधमा उत्रिएका हुन् । प्राध्यापकहरुले यस घटनालाई विश्वविद्यालयले गम्भीर रुपमा लिई दोषीलाई कानुनको दायरामा ल्याउन माग गरेका छन् ।