सुसाइड नोटसहित पूर्वसीबीआईले गरे आत्महत्या

नयाँदिल्ली । भारतका पूर्वसीबीआई निर्देशक तथा नागाल्याण्डका पूर्व राज्यपाल अश्‍वनी कुमारले आफ्नै निवासमा आत्महत्या गरेका छन् । सिमलास्थित आफ्नै निवासमा रहँदैआएका उनी ७० वर्षको उमेरमा जीवनबाट थाकेर यस्तो निर्णय गरेको सुसाइड नोटमा लेखेका छन् ।

घटनास्थलबाट उनको शव प्रहरीले उठाएर गम्भीर रुपमा अनुसन्धान थालेको छ । २००६ देखि २००८ सम्म हिमाञ्चलको प्रहरी महानिर्देशक (डीजीपी०)को जिम्मेवारीमा समालेका थिए । २०१३ मा नागाल्याण्डका राज्यपाल नियुक्त भएका थिए । २०१४ मा राज्यपालबाट राजीनामा दिएपछि उनी सिमलाको एक निजी विश्वविद्यालयमा भिसी भएर काम गरिराखेका थिए । निवासमा भेटिएको सुसाइड नोटमा जीवनबाट थकित भएर आत्महत्या गरेको उल्लेख छ ।